Дирӯз дар Мақомоти иҷроияи ҳокимияти давлатии шаҳри Конибодом маҷлиси фаъолон оид ба ҷамъбасти фаъолияти рушди иқтисодию иҷтимоии шаҳр дар ёздаҳ моҳи соли 2016 баргузор гардид. Дар ин бора аз Мақомоти иҷроияи ҳокимияти давлатии шаҳри Конибодом хабар доданд.
«Мақомоти иҷроияи ҳокимияти давлатии шаҳр дар ёздаҳ моҳи соли 2016 фаъолияти худро баҳри амалӣ намудани «Барномаи рушди иқтисодию иҷтимоии шаҳри Конибодом барои солҳои 2016-2020», «Стратегияи тараққиёти иқтисодию иҷтимоии шаҳр то соли 2020» ва таъмини иҷрои нақшаю вазифаҳои вогузоргардида равона кардаанд. Дар ин муддат дар аксар соҳаҳои хоҷагии халқ нисбат ба ҳамин давраи соли гузашта нишондиҳандаҳои мусбат ба даст оварда шуданд»,-зикр шуд дар ҷамъомад.
Ба иттилои манбаъ, дар фарҷоми маҷлис фаъолияти ҳамаи соҳаҳои хоҷагии халқ таҳлил ва баррасӣ шуда, дар назди масъулин вазифаҳои мушаххас гузошта шуданд.
АМИТ «Ховар»