Хабар

Бахшида ба Рӯзи Ваҳдати миллӣ дар Қасри фарҳанги ноҳияи Файзобод бо иштироки раиси ноҳия, фаъолон, собиқадорон, ҷавонон ва меҳмонон маҷлиси тантанавӣ баргузор гардид. Дар чорабинии мазкур раиси ноҳия Раҷабзода Миралӣ сокинони ноҳияро бо ин иди бузург таҳният гуфта, барояшон рӯзгори хубу ором ва пойдории Ваҳдати миллиро тамано карда, ба 4 нафар шахсони  хизматнишондодаи ноҳия ифтихорнома ва туҳфаҳои хотиравӣ тақдим намуд.

Ҳамватанони азиз!
Ҳозирини арҷманд!
Сафари имрӯзаи мо ба яке аз мавзеъҳои нодири таърихии мамлакатамон - ноҳияи Ишкошим дар рӯзи таҷлили яке аз санаҳои муҳимму таърихӣ дар ҳаёти мардуми кишварамон, яъне Рӯзи ваҳдати миллӣ ва дар арафаи ҷашни барои ҳар яки мо муқаддаси миллӣ-биступанҷумин солгарди истиқлолияти давлатӣ баргузор гардида истодааст.

Дар рӯзи сеюми сафари корӣ ба Вилояти Мухтори Куҳистони Бадахшон Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Ишкошим бо сокинону фаъолони ноҳия мулоқоти самимӣ доир намуд.
Барои вохӯрӣ бо Пешвои миллат муҳтарам Эмомалӣ Раҳмон шумораи зиёди мардум ҷамъ омада, Президенти мамлакатро бо самимияти беандоза пазироӣ карданд.