Хабар

Президенти Россия Владимир Путин ва Президенти Сурия Башор Асад зимни суҳбати телефонӣ созиши оташбас дар Сурия ва гузариш ба раванди сиёсиро баррасӣ намуданд. Дар ин бора хадамоти матбуоти Кремл хабар медиҳад.
Зикр мешавад, ки роҳбари Сурия ба созиш баҳои баланд дода, баҳри риояи он изҳори омодагӣ кард.
Ҷонибҳо ба мувофиқа расиданд, ки гуфтушунидҳои Остона доир ба ҳалли мусолиматомези Сурия «қадами муҳиме дар роҳи ниҳоии ҳалли буҳрон хоҳад буд».

Сармураббии нави дастаи «Истиқлол»-и Душанбе Муҳсин Муҳаммадиев ҳайати ёварони худро барои мавсими футболи соли 2017 интихоб кард.
Тавре сомонаи КФ «Истиқлол» хабар медиҳад, дар мавсими футболи соли 2017 ба Муҳсин Муҳаммадиев Небойша Топалови 43- сола аз Сербия ба ҳайси ёвар ва Алишер Тӯхтаев, собиқ мураббии дастаи «Барқчӣ» ба ҳайси ёвари дуюм кумак мекунанд. Дарвозабонҳоро ба мавсими нав Александр Кулакови 60-сола аз Латвия омода месозад.

31 январи соли равон дар Сирки давлатии Тоҷикистон барои кӯдакон ва наврасон намоиши сиркӣ таҳти унвони «Афсонаи солинавӣ» баргузор мегардад. 
Кӯдакон ва наврасонро барномаи шавқовару гуногунжанри сиркӣ, ба мисли гимнастҳо дар ҳалқа, гимнастҳо дар глобус, кордбозҳо, масхарабозон ва намоишҳо бо ҳайвонҳои хонагӣ интизоранд.
Бино ба иттилои манбаъ, дар барнома ҳунарпешагони Сирки давлатии Тоҷикистон маҳорату истеъдоди нодири худро намоиш медиҳанд.