Хабар

Дирӯз дар Вазорати корҳои хориҷии Тоҷикистон маросими мубодилаи ёддоштҳо байни Ҳукумати Ҷумҳурии Тоҷикистон ва Ҳукумати Ҷопон оид ба лоиҳаҳои «Беҳдошти инфрасохтори Фурудгоҳи байналмилалии Душанбе (марҳилаи II)» ва «Беҳтаргардонии ҳолати кории зеристгоҳҳои барқӣ дар шаҳри Душанбе» баргузор гардидааст.
Дар ин хусус дафтари матбуотии Вазорати корҳои хориҷии Ҷумҳурии Тоҷикистон хабар медиҳад.

Дар шаҳри Тикрити Ироқ маросими тӯй бо фоҷеа анҷом ёфтааст.
Ба иттилои расонаҳо дар деҳаи Ҳаҷади шаҳри мазкур террористон якбора чор таркишро ба амал оварданд. Дар натиҷа 30 нафар ба ҳалокат расида, 26 каси дигар ҷароҳат бардоштанд.

Сарвазири Бритониё Тереза Мэй гуфтааст, Лондон ва Иттиҳоди Аврупо омодаанд, ки гуфтугӯро дар бораи хориҷшавии кишвараш аз иттиҳод оғоз кунанд. Ӯ дар нишасти хабарие зикр кардааст, "вақти рафтан аз Иттиҳоди Аврупо фаро расид".