Хабар

Имрӯз дар меҳмонхонаи «Hyatt Regency» бо ташаббуси Ташкилоти байналмилалии муҳоҷират дар Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба ҳаёти муҳоҷирони тоҷик ва табобати бемории сил дар байни онҳо ҳамоиш доир гардид. Дар ҳамоиш мутахассисони соҳаи тандурустӣ ва муҳоҷирати Русия ва Тоҷикистон иштирок намуданд.

Олимони Австралия дар соҳилҳои қисми ғарбии кишвар изи пойи бузургтарин гурӯҳи диназаврҳоро пайдо кардаанд.
Аз рӯи таҳқиқоти олимон нишонаи диназаврҳо дар сангҳо 140 миллион сол қабл дарҷ гардида, изи пойҳояшон қариб 1,7 метрро ташкил медиҳад.

Дар Перу бар асари бориши шадиди борон шаҳри Пиура пурра зери об мондааст.
Тибқи иттилои охирин шумораи ҳалокшудгони дар натиҷаи офати табиӣ қариб ба 100 нафар расида, 20 каси дигар бенишон гардиданд. Обхезӣ ба 200 ҳазор бинои истиқоматӣ зарар расондааст. Дар шаҳри Пиура кормандони хадамоти дахлдор қариб 300 ҳазор оиларо ба ҷойҳои бехавф кӯчонданд.