Хабар

Имрӯз дар ҷумҳурӣ ҳавои тағйирёбандаи абрнок шуда, дар баъзе минтақаҳо борони кӯтоҳмуддат меборад ва раъду барқ ба амал меояд.

Тавре мутахассисони Агентии обуҳавошиносии кишвар ба АМИТ «Ховар» иттилоъ доданд, дар шаҳри Душанбе ҳавои тағйирёбандаи абрнок дар назар дошта шудааст. Дар баъзе ҳолатҳо борони кӯтоҳмуддат меборад. Ҳаво аз 24 то 26 дараҷа гарм мешавад.

Номзадии раисҷумҳури пешини Эрон Маҳмуд Аҳмадинажод дар интихоботи навбатии президентии ин кишвар ба қайд гирифта нашуд. Дар ин бора расонаҳои Эрон хабар додаанд.
Аҳмадинажод, ки аз соли 2005 то 2013 президенти Эрон буд, 19 апрел номзадияшро дар интихоботи навбатӣ пешбарӣ кард. Вале Ситоди интихоботии Эрон 20 апрел 6 довталаберо, ки аз тарафи Шӯрои нигаҳбон таъйид шуданд, эълом кард ва миёни онҳо номи раисҷумҳури пешин нест.

Мутахассисони Форуми умумиҷаҳонии иқтисодӣ (WEF), ки дар Швейтсария баргузор гардид, Ҷумҳурии Тоҷикистонро бехавфтарин кишвари Осиёи Марказӣ дар соли 2017 номбар карданд. Дар ин рейтинг Тоҷикистон миёни 136 кишвар мақоми 49-умро касб кард. Аз кишварҳои Осиёи Марказӣ Қазоқистон мавқеи 58 ва Қирғизистон ҷойи 98-умро ишғол намуданд.