Хабар

Бо ибтикори Раёсати ҳифзи муҳити зисти Вилояти Мухтори Кӯҳистони Бадахшон қад-қади дарёи Панҷ амалиёти «Соҳили пок» роҳандозӣ гардид. Дар ин амалиёт хонандагони муассисаҳои таълимии шаҳри Хоруғ ширкат намуданд. Сардори раёсати мазкур Мулкамон Назаралиев гуфт, ки моҳе як маротиба дар ҳамкорӣ бо муассисаҳои таҳсилоти миёнаву олӣ соҳили рӯдхонаи Панҷ дар ҳудуди бозори «Тоҷикматлубот» ва «20-солагии истиқлолият» аз ахлоту партовҳои истеҳсолӣ пок карда мешавад.

14-15 декабр дар шаҳри Брюссел ҷаласаи 131-уми Шӯрои ҳамкории гумрукии Созмони Умумиҷаҳонии Гумрук баргузор шуд.

Тибқи иттилои Хадамоти гумруки назди Ҳукумати Ҷумҳурии Тоҷикистон, дар ҷаласа Сардори Хадамоти гумруки назди Ҳукумати Ҷумҳурии Тоҷикистон, генерал-лейтенанти адлия Абдуфатоҳи Ғоиб иштирок намуд.

Имрӯз дар ҷумҳурӣ ҳавои   тағйирёбандаи абрнок, дар баъзе ҷойҳо боридани борону барф ва фаромадани туман дар назар аст.

Ба иттилои манбаъ, имрӯз, 18 декабр дар Вилояти Мухтори Кӯҳистони Бадахшон ҳавои абрноки боронӣ (гузариши борон ба барф) пешгӯӣ мегардад. Ҳаво дар ғарби вилоят шабона 2-3 дараҷа хунук ва рӯзона 3-8 дараҷа гарм мешавад. Дар шарқи ин вилоят ҳаво шабона 10-15 дараҷа хунук мешавад.