Дар Суғд 94 ҳазору 262,2 тонна пахта ҷамъоварӣ гардидааст

То 21 октябр дар навоҳии пахтакори вилояти Суғд 94 ҳазору 262,2 тонна пахта ҷамъоварӣ шуд. Аз ҷумла, дар навоҳии Ашт 8983 тонна, Бобоҷон Ғафуров12002 тонна, Ҷаббор Расулов 9045 тонна, Зафаробод 19627 тонна, Конибодом 10929 тонна, Мастчоҳ 23291 тонна ва Спитамен 10384 тонна пахта истеҳсол гардид. Дар ин бора ба АМИТ «Ховар» аз Сарраёсати кишоварзии вилоят хабар доданд.

Бо истифода аз рӯзҳои офтобии фасли тирамоҳ дар хоҷагиҳои деҳқонии вилояти Суғд ҷамъоварии ҳосили пахта муташаккилона идома дорад. Пахтакорону чинакчиён ҳамарӯза беш аз 2380 тонна пахта чида истодаанд.

Нақшаи истеҳсоли пахта барои соли равон қариб 130 ҳазор тонна буда, то имрӯз дар вилоят дурнамои ҷамъоварии ҳосил 72,8 дарсад иҷро гардидааст.

АМИТ «Ховар»

Tags: