10 ноябр дар Москва мулоқоти Сафири Ҷумҳурии Тоҷикистон дар Федератсияи Россия Имомуддин Сатторов бо Сафири Ҷумҳурии Литва дар Федератсияи Россия Эйтвидас Баярунас баргузор шуд. Дар ин бора АМИТ «Ховар» бо истинод ба Хадамоти матбуоти Сафорати Тоҷикистон дар Россия хабар медиҳад.
Зимни мулоқот масъалаҳои рушду таъмиқи ҳамкории дуҷониба дар ҳамаи соҳаҳо баррасӣ шуд.
Ҳамчунин роҷеъ ба масъалаҳои муҳими минтақавӣ ва байналмилалӣ мубодилаи афкор сурат гирифт.
Дар фарҷоми суҳбат ҷонибҳо омодагиро ҷиҳати мусоидат ба рушди ҳамкорӣ миёни ду кишвар дар соҳаҳои гуногуни мавриди таваҷҷуҳ иброз намуданд.
АМИТ «Ховар»