Дар китобхонаи вилоятии ба номи Шамсиддин Шоҳин дар шаҳри Қӯрғонтеппаи вилояти Хатлон муаррифии китоби тозанашри Асосузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Забони миллат — ҳастии миллат» баргузор гардид.
«Иштирокдорон пеш аз оғози маҳфил аз намоиши китоб дар мавзӯъҳои «Пешвои мо- ифтихори мо» ва «Чеҳраҳои мондагори таърих» дидан намуданд»,-хабар дод манбаъ.
Роҳбари китобхонаи мазкур Тутиниссо Юсупова китоби «Забони миллат — ҳастии миллат»-ро ба ҳозирин муаррифӣ намуд.
Дар маҳфил устодони Донишкадаи давлатии фарҳанг ва санъати Тоҷикистон ба номи Мирзо Турсунзода ва шунавандагони курси бозомӯзии кормандони бахшҳои фарҳанги шаҳру ноҳияҳои вилоят иштирок доштанд.
АМИТ «Ховар»