Суқути ҳавопаймо дар Британияи Кабир ҳаёти одамонро рабудааст

30 май дар мулки графии Шропшири Британия, дар ғарби ин кишвар,  ҳавопаймо суқут кард, ки    дар дохили он одамон буданд. Дар ин бора  нашрияи  «Telegraph» иттилоъ медиҳад.
Бино ба гуфтаи  кормандони мақомоти ҳифзи ҳуқуқ, шоми душанбе халабони ҳавопаймо бо сабабҳои номаълум идоракуниро аз даст дод ва дар саҳро суқут кард. Дар натиҷаи садама бинобар бардоштани  ҷароҳатҳои ҷисмонӣ  дар ҷойи ҳодиса  ду нафар- халабон ва як  мусофир ба ҳалокат расиданд.
Дар айни замон, кормандони тафтишотии шуъбаи садамаҳо  ба таҳқиқи  сабабҳо ва ҳолатҳои ин фоҷеа машғуланд. Тафтишот идома дорад.