Дастаи футболи «Саройкамар»-и ноҳияи Панҷ, ғолиби феълии мусобиқаи лигаи аввали футболи Тоҷикистон, дар даври панҷум дар меҳмонӣ аз тими «Парвин»-и ноҳияи Бохтар бо ҳисоби 1:3 шикаст хӯрд. Ин аввалин бохти футболбозони ноҳияи Панҷ дар мусобиқаи имсола ба шумор меравад. Дастаи «Саройкамар» дар ҷадвали мусобиқа бо 12 имтиёз ба ҷойи дуюм фуромад.
Дастаи футболи «Панҷшер»-и ноҳияи Румӣ, ки бар тими мизбон — Коммуна-и Фархор бо ҳисоби 1:0 пирӯз шуд, дар ҷадвали мусобиқа ба ҷойи аввал баромад.
Ёдовар мешавем, ки тими Панҷшер низ 12 имтиёз дорад ва таносуби тӯбҳояш нисбат ба Саройкамар беҳтар аст.
Дастаи «Помир»-и Душанбе, ки дар майдони худ тими «Чашма»-и Шаҳритусро бо ҳисоби калони 6:3 шикаст дод, бо 10 имтиёз дар зинаи сеюм қарор дорад.
